Hostis Horedes impie!
Christum venire quid times?
Non arripit mortalia,
qui regna dat coelestia.

Ibant Magi, quam viderant
stellam sequentes praeviam,
lumen requirunt lumine
Deum fatentur munere.

Lavacra puri gurgitis
coelestis Agnus attigit,
peccata, quae non detulit,
nos abluendo sustulit.

Novum genus potentiae,
aquae rubescunt hydriae,
vinumque jussa fundere
mutavit unda origmen.

Gloria tibi Domine,
qui apparuisti hodie,
cum Patrae et sancto spiritu
in sempiterna secula.

Amen.